TU DIL KO MAT BATANA

Kitne hi mausam usko teri yaad na aana,
Tu samajh jaata hai,
Raat ko khwaabon me uska yun chhod jana,
Tujhe pata chal jata hai,
Par tu dil ko mat batana

Do baras baad uska ek adna sa message aana,
Tu khoob jaan pata hai,
Tanhaiyon me unka tumse yun ruth jana,
Tu sab samajh jaata hai,
Par tu dil ko mat batana

Kyunki jab pyaar hota hai,
Tu tez nahi,
Dhadkane tez hoti hai,
Tu to muwaa sunn pad jata hai,
Uski ek muskurahat se tera
Karobar thap pad jata hai

Tu to ik taraazu hai,
Har chiz taulega,
Tera bas chale toh tu,
Khud ko rab se bhi bada bolega

Duniya pe raaj karne wale ye sun,
Tera to mujhpe bhi raaj nahi hai,
Ispe to dil ka raaj hai,
Log bekaar hi bolte hain,
Dil-o-dimaag se bhi kahin pyaar hota hai?
Pyaar to dil karta hai,
Tu to anjaam se darta hai,
Jeetne ke liye chaale chalta hai

Aye mere dost ye aaj jaan le,
Mujhpe mere dil ki hukumat hai,
Tujhse koi ranjish nahi par haan,
Mujhe teri nahin, iss masoom dil ki zaroorat hai :heart::heart:

8 Likes

Beautiful. :heart:

1 Like

waah :innocent:

1 Like

Thank you @obscure_writer @unknown_soul :heart::heart:

1 Like