Sambhalo is vakth ko

Sahre jo humko mile,
rasto mai guzare lamhe,
ek dusre ke kareeb rehke bhi,
kyu na jane hai akhe nam,
kahi hum fir unki tadap mai na doob jaye,
Sambhalo is vakth ko.

Kono se jo naye ujale dikhe,
parindo ki bato ke sang,
ek dusre ke khabo mai udke bhi,
na jane kyu ho gaye hum alag,
kahi fir yu hi hum sihar na jaye,
sambhalo is vakth ko.

Tashrif to lao ek bar fir,
akhir vo chehra nihar lu,
pas ake apni bate keh jao,
ek bar fir se tumhe akho mai bhar lu.
vakth ke nazare se hi sahi,
ya jo anokha dryshya hai,
itna to mat uksao mujhe,
ki ye kahi choot jaye.

Un sabhi yado mai jab,
raste fir machal rahe,
na jane kaun sai ahat thi vo,
jismai hum yu hi jal rahe,
kyu ye ahsaas hai fir,
sambhalo is vakth ko.

Dekhu zara ye chehra ek bar fir,
jisne humari hasrato ko tarasha tha,
akelapan se dur le ja kar hume,
tera hi bas divana banaya tha,
Ansune dariya mai fir kahi,
avaz lagane de mujhe teri,
aisa na ho ye sab gum ho jaye,
kahi fir se tu nazaro mai chup jaye.

In sabhi masumiyat me yu,
jo duniya ka tarana hai,
teri akho se dekha tha humne,
Kya ye vahi jana zamana hai?
lauta na saku mai tujhe sach mai,
sambhalo is vakth ko.

Bulao na hume ek bar,
lagao na vadio mai avaz,
khone ka itna hi shauk tha,
to fir kyu machal raha vo ahsaas,
Sath na du to kabhi,
rone na lagna akele hi,
koi aur itna na cha payega tumhe,
jitni humne ki thi ye dillagi.

In toote lamhoe ke pas,
jaise akhir kissa abhi baki ho,
sare hasmukh chehre,
kuch kehne ko baki ho,
Kahi hum ho na jaye fir yu bechen,
sambhalo is vakth ko…

6 Likes

Beautifully penned! :hibiscus: