Lehro ke dave

Savero ki raushan mastiya,
lakho durio se tere pas ana,
teri madhosh shamo me,
meri khushnuma yado ka cha jana,
prakash se bhi dhoomil hote,
suhavane mausam me,
tera mere ane pir,
firse ek bar muskrana,

Samundar ke kono se,
jab hum ek dusre ki chahate me,
vakt ko bhi bhool jane lage,
in hasi lamho ke beech uth reh hai na jane ye kaise lehro ke dave.
Bato ke pehro me sunte,
jab hum ek dusre kke pyar se,
fir se kareeb ane lage,
in sabhi khushnuma lamho me kyu hai ye lehro ke dave?

Khamoshio se mat kehna,
jo hum in kinaro me ek bar fir mile,
samundar ke sannate se,
un khoye hue lamho mai fir doob gaye,
rato ke andhere hai yaha,
lakho pareshan dil hai dhadakte,
teri khushi ke savere se dur,
hum fir ek bar yu sihar gaye.

Khabo ki haseen bato mai sunte,
jab hum apni karvat mai,
vakt se yu takrane lage,
fir na jane kyu hai ye: lehro ke dave!
Ansuni si ahat se,
sabhi avazo se pehle,
bhor mai hi jagne lage,
fir ai dil bata mujhe kyu hai ye: lehro ke dave?

Puch mat kyu hum laut aye,
bas humare ane ka khumar rakh,
teri takdeer se dur to jana hi hai,
apne dil ki vadio mai humari avaz yad rakh,
shehro mai gum ho gaye hai ab,
bheed mai sirf nakab hai,
hir dariya mai mera chehra nai,
Kash tu meri tasveer yad rakh!

Adhi si chooti lehro mai,
adhoori kisso ke kinare,
jab hum fir akho se rone lage,
fir kyu hai ye: lehro ke dave?
Sote hue bhi jagte hai hum,
apni bato se kya kisse kahe,
jab tu akhir dur hi chala gaya,
Doob gaye hai hum hoke ye lehro ke dave…

3 Likes

Words! :blue_heart: