Lamha kaisa ho

Vadio me gunje jo,
Patto ki sarsarahat hai,
sun in hawao me fir,
kahi to ye teri ahat hai.
rato ke pehro me,
abad jo lamhe hai,
sun is sannate mai fir,
vakt mai beeti fir vahi chahaht hai.

teri adhi adhuri mulakato ka,
fir se koi to zaria ho,
bata dena milke mujhe ek bar,
Vo ansuna lamha kaisa ho?

Subeh ki dhoop mai ek bar,
khidkio se jhake bar bar,
ane ki teri vo ummid,
kyu kar di hai ab dar kinar;
barish ke mausam bhi ab,
lagte hai dil ko zar-zar,
khoke fir pane ki kashish,
bas jaise ho chali ab inkar.

Ansuo se kehna bas tumhe,
Koi to hasne ka vakth aisa ho,
bata do na fir se milke mujhe,
Fir vo lamha kaisa ho?

Aati hai ek ahat,
puche bas tera nam,
laut aye vo lamhe,
ishk bhi ho chuka hai jab gumnam;
Jati hai vo taklif,
jinse humne tujhe dur kia,
abhi bhi dard hai us lamhe ka,
jab humne tujhe bas kho hi dia.

bato ke jharoko mai,
khamoshi ka koi nam na ho,
rato mai fir jagmagaye,
Hum bas vo jugnu ho;

kho die the jo humne sab,
unki tarashi kashish ka ye zaria ho,
Sunaye jab hum kisse tumhe sab,
fir vo lamha kaisa ho?

3 Likes

gazab saurabh bhai
bahut khoob, maza aa gya :slightly_smiling_face:
:ok_hand: :ok_hand: :ok_hand:

thanks a lot.

Bhut ही खूसूरत।