Kya tujhe yaad hai (part 1)

Kya tujhe yaad hai!!

Woh pehli baar aankho ka takrana,
chalti hawa ke sath tere balon ka lehrana…

Woh samandar kinare naam tera mujhse likhwana,
aur behti lehron se tera daud lagana…

Wahin kisi choti pe baith ke doobate suraj ko niharna,
aur uski roshni se kal ke sapne sajana…

Kya tujhe yaad hai!!

Woh bahon me meri tera goom hojana,
aur aankho me teri mera doob jana…

Bike pe meri raaton ko ghoomne nikal jana,
aur der saver uthke tera mujhe chai pilana…

Pehli baarish main tera har baar jaan-bujh ke bheeg jana,
aur hafte bhar ke liye mujhe tera gulaam banwana…

Doctor ke samne tera befikri se mukar jana,
fir dawai na khane ke hazar bahane banana…

Kya tujhe yaad hai!!

Kabhi kisi din tera achanak se MISS YOU ka text ajana,
use padh ke mere subah se bighde mood ka thik ho jana…

Har baar jhagad ke rooth ke tera baith jana,
aur fir mera SORRY ka BUMPER SALE lagana…

Aakhir me bas ek pyari hug se tera pighal jana,
aur fir jaldi maanjane pe tera afsos jatana…

Kya tujhe yaad hai!!

5 Likes

Lovely. :heart:

1 Like

thank you :blush: