Khatma ya shuru

Andhio se fir,
Akele hi laute hai,
Rato ke par,
ye kaise sannate hai,
Bate hai ya kuch,
apni yado ke kisse hai,
in sab ke tane bane mai,
Apni dastan: khatma ya shuru?
Vade hai ya koi,
nato mai dhunde rishte hai,
in sabki yado ki mohtaj ho jo,
Apni dastan: khatma ya shuru?

chupke se tere vo,
kano mai kuch keh jana,
pahado mai dur se,
teri hasi ki fir goonj sunana,
pyas ho jab mujhko,
tera vo pyaar se muskana,
rato mai jab sona saku to,
ek ansuni si chahat se kuch keh jana.

khwab hai ye koi,
ya koi ansuni ahat hai,
in beeti bato mai fir,
Apni dastan: khatma ya shuru?
rat hai charo or,
sirf teri yado ke pehre hai,
dhundle chand ki raushni mai kahi dur,
Apni dastan: khatma ya shuru?

Mai jab tujhe yad karu,
ek lamhe mai sab kuch jee lete hai,
khoye savero ki ab aas nahi,
sirf teri aas mai hi gujara kar lete hai,
na vo ab mehki subeh hai,
fir bhi kuch panchi to avaz lagate hai,
khidkio pir ake vo kabhi kabhi,
teri dastan ke kisse keh jate hai.

Paigam hai ye koi,
ya bas chaya hai beete lamho ki,
in sabhi karvate badalti rato mai,
Apni dastan: khatma ya shuru?
tadap hai vo fir achanak,
ya fir dilasa hai guzre vakt ki,
un sabhi mauko pir jo kho die,
Apni dastan: khatam ya shuru?

4 Likes

Wah Wah …Janab!
kya bat hai.

Such beautiful lines! :black_heart:

Bohot khoob…:+1:

thanks all for enjoying it.