Dard ke kisse

Sambhale na sambhle,
Aankho ki andhiya,
Rat ke nagme dil mai,
Jab banne lage pareshaniya,
Sunte hi rahe yu,
Adhuri si bate thi jo,
Kin logo se puche tera pata,
In kinaro mai jab yu kho gaya tu,

Dil ko dukhane lage,
Bate mai the jo vo narm hisse,
Na jane kin jharoko se dhund laye hum,
Ye ansune dard ke kisse.

Ginte hai jab kabhi,
Lamho ke tute saye,
In sabhi khoi karasho mai,
Achanak, bas tera chehra dhundla jaye,
Koshishe to ki thi bahut,
Ki teri jameen hum fir dhund laye,
Magar apne hi gam ke badalo mai doob gaye,
Kash vo bitaye hassen pal fir yad aye.

Fir vo satane yu lage,
Jaise ab nikal chuke ho kahi dil se,
Teri kahmoshi mai hi chupe hai,
Ye bite dard ke kisse.

Ab kuch hi bate hai,
Sannate mai sirf tujhe sunne ki chahat,
Bata to sake pir keh na sake,
Vo dil ke fir dhadkane ki ahat,
Kuch hi lamhe reh gaye hai,
Andhere mai tarashe bhi nahi,
Socha to tha fir milenge,
Pir tere hone ki gavai koi deta hi nahi,

Nami se jo sisakte rehe,
Ye fir unhi yado ke kho chuke panne se,
Lautna bahut mushkil hai ab,
Bas kuch reh gaya hai, to ye dard ke kisse.

Teri mulakato se shuru,
Chor jane ki bato mai khatam,
Kayas lagane ki vo ummid,
Ab nhy reh gaya humari dhadkan mai dam,
Sanso mai chupe kahi,
Ye vo udas siskiya se,
Keh dena apne adhure lamho se,
Hume yad rehenge ye dard ke kisse…

4 Likes